Wednesday, January 17, 2007

Search for Outstanding Barangay Governance Ipahigayon

By: Aurell P. Arais/ Alvin Lim


Malaybalay City - Gipahigayon dili pa lamang dugay ang search for outstanding barangay government committee meeting diin giapilan sa tanang mga head of officers sa city hall ning dakbayan.

Matod pa ni City Local Government Officer Maria Daniot, ang mga barangay nga muqualify alang sa maong award kinahanglan nga makakuha ug total points nga 75 porsyinto pataas.

Gibahin usab sa tulo ka kategorya ang mga barangay diin category A, ang mga barangay nga adunay internal revenue allotment kon IRA nga usa ka milyon ka pesos pataas; category B ang mga barangay nga adunay IRA nga 500 mil ka pesos apan dili moabot usa ka milyon ug category C ang mga barangay nga adunay IRA ubos sa 500 mil ka pesos.

Criteria sa maong indigay naglangkob sa DILG administrative requirement, kahusay ug kalinaw, pagpanalipod sa kinaiyahan, maayong panglawas, kasiguruhan sa pagkaon ug nutrisyon, panginabuhian ug kinitaan, edukasyon, inprastraktura, pagdumala sa panudlanan ug uban pa.

Pagabasihan sa maong criteria mao ang tuig 2006 nga rekord sa matag barangay diin pagasugdan ang evaluation karong Pebrero sulod sa tulo ka semana ug ang ikaupat nga semana mao ang meeting alang sa final assessment.

Dugang pa ni Daniot, ang barangay nga makasugakod isip best barangay performer sulod sa tulo ka tuig gilayon nga ma-qualify alang sa Hall of Fame award nga diin adunay maintenance cash award nga 300 mil ka pesos alang sa mga proyekto ug programa niini.

Ang dakbayan sa Malaybalay gibugkos sa 46 ka mga barangay.


-=###=-

No comments: