by: Aurell P. Arais
Malaybalay City – Gipasidungan sa kagamhanang probinsiyal sa Bukidnon ang usa sa tulo ka mga pinay nga labing unang asyanong babaye nga nakatungtong sa kinatumyan sa Mt. Everest nga nahimutang sa utlanan tali sa Tibet ug Nepal.
Ang gitumbok niini mao si Carina Cacay Dayondon,27 anyos kinsa usa ka garbo ug natawo sa lungsod sa Don Carlos ning probinsiya sa Bukidnon.
Sa milabay nga Hunyo 28 tuig kasamtangan, nahidangat si Dayondon dinhi sa dakbayan sa Malaybalay ug kauban ang tanang membro sa First Philippine Mount Everest Expedition.
Personal nakita sa katawhan ang lain pang duha ka kauban ni Dayondon sa pagtungas sa Mt. Everest nga mao sila si Janet Belarmino ug Noelle Wenceslao.
Mitungas ang nahisgutang tulo ka mga pinay sa Mt. Everest sa milabay nga tunga-tungang bahin sa Mayo tuig kasamtangan.
Kauban usab ni Dayondon ang duha ka pinoy nga nahaunang nakatungas sa Mt. Everest nga sila si Leo Oracion ug Erwin Emata ug lakip na ang team leader nga si Arturo Valdez, kanhi undersecretary sa Department of Transportation and Communication (DOTC).
Mainiton nga gihangop ug gidawat sa kagamhanang probinsiyal ang grupo ni Dayondon sa pagpanguna ni Acting Provincial Governor Alex Calingasan.
Usa ka programa ang gipahigayon sa Provincial Stage nga diin gihatagan ug pasidungog si Dayondon.
Mihatag usab sa pasidungog ang iyang kanhi gitunghaan sa elementarya ang San Isidro College pinaagi sa presidente sa tunghaan nga si Fr. Vergilio Delfin.
Sa iyang pagpamulong, gikanayon ni Calingasan nga dako kaayong garbo nga usa ka taga-bukidnon ang usa sa nakahatag ug dungog di lamang alang sa nasod kundili sa tibuok kalibutan.
Samtang sa iyang bahin, dako ang kalipay nga gibate ni Dayondon ug sa mga kaubanan sa init nga pagdawat kanila sa katawhan sa Bukidnon.
Sumala ni Dayondon nga duha ang mensahe nga ilang gisakwat sa pagtungas sa Mt. Everest, una ang personal nga tinguha ug ang ikaduha ug labing mahinungdanon mao ang pagpakita nga way imposible sa Pinoy basta adunay determinasyon ug panaghiusa sama sa nahitabo sa ilang team.
Ang Mt. Everest adunay gihabugon nga 29,029 ka tiil (8,848 metros) ug giilang labing habog nga bukid sa tibuok kalibutan.
-=###-=
Malaybalay City – Gipasidungan sa kagamhanang probinsiyal sa Bukidnon ang usa sa tulo ka mga pinay nga labing unang asyanong babaye nga nakatungtong sa kinatumyan sa Mt. Everest nga nahimutang sa utlanan tali sa Tibet ug Nepal.
Ang gitumbok niini mao si Carina Cacay Dayondon,27 anyos kinsa usa ka garbo ug natawo sa lungsod sa Don Carlos ning probinsiya sa Bukidnon.
Sa milabay nga Hunyo 28 tuig kasamtangan, nahidangat si Dayondon dinhi sa dakbayan sa Malaybalay ug kauban ang tanang membro sa First Philippine Mount Everest Expedition.
Personal nakita sa katawhan ang lain pang duha ka kauban ni Dayondon sa pagtungas sa Mt. Everest nga mao sila si Janet Belarmino ug Noelle Wenceslao.
Mitungas ang nahisgutang tulo ka mga pinay sa Mt. Everest sa milabay nga tunga-tungang bahin sa Mayo tuig kasamtangan.
Kauban usab ni Dayondon ang duha ka pinoy nga nahaunang nakatungas sa Mt. Everest nga sila si Leo Oracion ug Erwin Emata ug lakip na ang team leader nga si Arturo Valdez, kanhi undersecretary sa Department of Transportation and Communication (DOTC).
Mainiton nga gihangop ug gidawat sa kagamhanang probinsiyal ang grupo ni Dayondon sa pagpanguna ni Acting Provincial Governor Alex Calingasan.
Usa ka programa ang gipahigayon sa Provincial Stage nga diin gihatagan ug pasidungog si Dayondon.
Mihatag usab sa pasidungog ang iyang kanhi gitunghaan sa elementarya ang San Isidro College pinaagi sa presidente sa tunghaan nga si Fr. Vergilio Delfin.
Sa iyang pagpamulong, gikanayon ni Calingasan nga dako kaayong garbo nga usa ka taga-bukidnon ang usa sa nakahatag ug dungog di lamang alang sa nasod kundili sa tibuok kalibutan.
Samtang sa iyang bahin, dako ang kalipay nga gibate ni Dayondon ug sa mga kaubanan sa init nga pagdawat kanila sa katawhan sa Bukidnon.
Sumala ni Dayondon nga duha ang mensahe nga ilang gisakwat sa pagtungas sa Mt. Everest, una ang personal nga tinguha ug ang ikaduha ug labing mahinungdanon mao ang pagpakita nga way imposible sa Pinoy basta adunay determinasyon ug panaghiusa sama sa nahitabo sa ilang team.
Ang Mt. Everest adunay gihabugon nga 29,029 ka tiil (8,848 metros) ug giilang labing habog nga bukid sa tibuok kalibutan.
-=###-=
No comments:
Post a Comment