TANTANGAN, South Cotabato – Nabulabog ang mga katawhan sa tibook lalawigan sa south cotabato gumikan sa pagkahimugso sa usa ka bata nga duha ang ulo, tulo ang tiil pero usa lamang ang lawas.
Ang usa ka ulo iya sa babaye samtang ang lain nga ulo iya sa lalaki.
Gihulagway nga gwapo ug gwapa ang hulagway sa duha ka ulo nga daw sama sa amerikano puro tag-as ang ilong ug perte ka puti.
Ang duha gihinganlan nga Stephen Mark ug Stefani Anne, sigun sa tatay nga si Allan Mark Cabang, 26 anyos nga residente sa Tantangan, South Cotabato.
Natawo ang nahisgutang bata sa miaging Enero 6 ning kasamtangang tuig.
Apan makasubo gumikan kay gibawian sa ilang ilang kinabuhi ang maong bata. Una nga namatay ang babaye nga si Stefani Anne ug paglabay sa pito ka oras misunod sa pagkamatay ang lalaki nga si Stephen Mark
Nasayran nga unang anak sa magtiayon nga si Allan ug kapikas nga Anna Marie ang maong bata sanglit bag-o pa lamang nga nagkaminyo ang duruha.
Bisan pa sa talagsaong dagway sa ilang anak, giingon sa magtiayon nga ila kining gidawat ug gipangga bisan pa nga wa itugot sa kahitas-an nga ila kining ikauban sa mas taas-taas nga panahon.
Gilubong ang maong talagsaong bata sa miaging Dominggo Enero 7, 2007.
=-###=-
No comments:
Post a Comment