Tuesday, December 11, 2007

Bag-ong Napili nga mga Opisyal sa Liga ng Barangay sa Malaybalay Nanumpa Na

by: Aurell P. Arais

Malaybalay City - Pormal nang nanumpa sa ilang katungdanan ang mga bag-ong opisyal sa Liga ng Barangay sa dakbayan sa malaybalay karong lamang hapon (Disyembre 11, 2007).

Ang maong mga opisyal nanumpa atubangan mismo sa mayor sa dakbayan sa malaybalay Florencio docboy Flores Jr.

Sa gipahigayon nga piniliay , ang migawas nga mga mananaug mao ang mga musunod;pagka presidente mao si glorio sajulga kansa way miparang, pagkabise presidente - Alexander Maputi, way miparang ug auditor - Jose Medardo Estaniel, way miparang.

Samtang ang walo ka mga board of directors mao sila si Gabriel Alima, Eleazar Condes, Rosa Maria Elena Robosa, Rosanna Linhay, Oscar Diano, Alberto Failagao, Renato Sumbongan ug Michael Daniot.

Human sa pagpanumpa gisunod usab sa pagpahigayon ang turn-over sa katungdanan sa kanhi ABC President nga si Manuel Evangelista ngadto sa bag-ong presidente nga si Sajulga.

Ang nahisgutang piniliay gipahigayon inubanan sa mga board of election supervisors nga gilangkuban nila ni city local government operations officer Cindy Daniot, city election officer Winifred Salilo ug non government sector representative- inyong alagad Aurell Arais.

=-###-=

No comments: