Light A Tree Project Gibuksan Na

by: Aurell P. Arais

Malaybalay City - Pormal nang gibuksan sa miaging gabii (Disyembre 3, 2007) ang Light A Tree Project.

Ang pormal nga pagbukas o switch on ceremony gipangunahan mismo ni Mayor Florencio Flores Jr., ang amahan sa dakbayan sa Malaybalay.

Kini tinambungan usab sa mga sakop sa konsehao, mga kawani ug mga opisyal sa mga buhatang lokal sa Malaybalay ug ingon man sinaksihan sa nagpunsisok nga mga katawhan.

Ang Light A Tree Project, usa ka tinuig nga prohekto sa kagamhanang lokal sa dakbayan sa Malaybalay aron paghatag ug dugang kadasig ug kaalegre panahon sa pasko aron nga adunay kasuyuran ang mga katawhan uban sa mga kahigalaan ug tibook pamilya.

Ilawom sa maong proyekto ang mga kahoy nga makaplagan sa Plaza Rizal gi-assign sa mga pribadong kompanya nga ania sa dakbayan sa Malaybalay aron nga dayan-dayanan ug dekorasyon maoy kalabutan sa pasko.

Aron paghatag ug dakong kadasig sa mga sumasalmot, adunay gigahin nga ganti alang sa mapili nga labing nindot nga dekorasyon.

Nasayran nga adunay lima ka mga consolation prizes nga makadawat ug tag-lima ka libo ka pesos matag usa, alang sa ikatulong ganti makadawat ug 20 mil pesos, ikaduhang ganti 25 mil pesos ug alang sa unang ganti makadawat ug 30 mil pesos.

Human sa pagswitch-on, mihugyaw tungod sa kalipay ang mga katawhan nga mitambong atol sa okasyon isip timaan sa kabibo sa dakbayan sa malaybalay ning panahon sa pasko.

=-###=-