Sunday, December 3, 2006

Bus Biyaheng Bukidnon Gitulis

BUS BIYAHENG BUKIDNON GITULIS
By: Aurell Arais


Laing bus na usab nga nagabiyahe dinhi sa probinsiya sa Bukidnon ug Cagayan de Oro ang gitulis sa miaging Dominggo sa gabii Hulyo 2, tuig kasamtangan.

Ang maong bus gipanag-iyahan sa Rural Mindanao Transit Incorporated (RTMI) nga adunay body numero 2354 ug gimaneho sa usa ka Augusto Doa.

Sumala sa taho nga nga nagagikan ang maong bus sa Agora Terminal sa Cagayan de Oro City ug ang biyahe paingon dinhi sa probinsiya sa Bukidnon apan paghidangat sa Mangina, Manolo Fortich Bukidnon, mga alas otso sa kagabhion, wa pa matinong ihap sa mga armadong lalaki kinsa sakay sa maong bus ang mideklara ug tulis.

Gilimisan ang mga pasahero sa ilang salapi ug mga mahalong personal nga mga butang, wa pa matino ang kinatibuk-ang kantidad.

Kahinunduman nga ubay-ubay na mga sakyanan sa Rehiyon 10 ang gipangtulis ug ilawom pa sa makuting imbestigasyon sa kapulisan aron pag-ila ug pagsikop sa mga tawo nga nalambigit niini.

=-###=-

No comments: